1. العربية الفصحة و الجازايرية : معاگبة سوسيولوغاويّة و تحليل گراماتيكي

أبستراكت

الهادف تاع البحت تاعنا هوّا المقارنة بين القاواعد النحويّة تاع العربية الفصحة و دياول اللهجة الجازايرية. الجازايرية هيا اللهجة المستعملة فل عيشة تاع كليوم عند الجازايريين لي عايشين فل جازاير ولا ف بلايص وحدخرين. الخيطابات السياسية تندار بل جازايرية، كيما تاني الإشهار، الموسلسلات تاع التيليفيزيون، الفيلمات، الراديو، المواصلة فل واسايل تاع التواصول الاجتيماعي، ... و زيد. (Kerras et Baya, 2017) العربيّة هيا اللوغة الرسمية فل جازاير, برّغم من الأهمية تاعها ف` الدنية، المستملية تاعها فل كتيبة باقية محدودة فل ماجالات الرسميّة ولا ف التدراس (Ibrahimi, 2004). الأهمية تاع العربية هيا كبيرة فل جازاير، بصّح اللوغة الأم تاع هاد الوطن هيا الجازايرية، كيما تاني اللوغات الأمازيغيّة (قبايلية، شاويّة، شنويّة، ...) لي مستعملة ف شي جواياه من البلاد (Chachou, 2008)، هيا لوغة تاع 42 مليون ساكن ف هاد البلاد، لي يستعملوها كليوم باش يعبرو على الحساسات تاعهم و الحاجات لي يستحقوها، و عليها كاين همية كبيرة ف الديراسة تاع التطوار تاعها معا الوقت، ف النّحو و الاستعمال. هاد المقارنة راهي مديورة بين الزوج لوغات باش تتفهم المشية تاع لوغة حيّة لي الديراسات عليها باقية قليلة من عند العولاما تاع اللوغة.

شوف الديراسة الكاملة ف هاد الوصيل